غجرية

غجرية

قال الليل عنها

الف اغنية والف موال

لها سحرا شكلته الفلا

يفوق فى الوصف

قدرات الخيال

لها اشراقة حورية

تهزاوصال الجبال

لها فى النفس منية

وفى العينين سلسال

لها فتنة ورقة واعتدال

لها فى القلب ملكا

و فى الاعماق اميال

كالشمس نورها

فى الروح تسرى

وفى الاوصال

اذا تبسمت صار الربيع

موسما فى الحال

واذا ما غاب طيفها

صارات كل ايام الدنيا

لليال

عجرية انجبتها الدنيا

واعلنت بعد مولدها

الاعتزال

............

بركات حمدى 

سطرمن الماضى

يا سطر ناقص

كلمتين من كام سنة

...كتبت بعدك الف سطر

ومليت دفاترى حروف وشعر

وانت قاعد زى ما انت

كل السطور اتصححت

وانت اللى سطرك تحته خط

عندك بتخلص كل ايام الكتابة

وارجع كانى لسة بتعلم حروف

واقف قصادك بترعش جوايا خوف

يا اسطر كان اولك كلمة غرام

متشكلة ومتلونة بايامى

كيف فيها نبضى لسة اخضر

كان فيها احساسى لسة بكر

لسة فرحان بالغنى

مكنش يعرف

يعنى ايه كلمة كسور

او تعنى ايه كلمة فراق

ياسطر ساكن بين ضلوعى

جوايا كل حروفك الناقصة بتكمل

بس مقدرتش ابوح

مقدرتش ازرع جراحى على الورق

ووقفت عند الكلمتين مهزوز

شامم بريحة موت قصدانى

وانا المقصود

يمكن لو كنت كملتك

كنت اتنسيت

كانت الجروح

اتفرقت بين الحروف
كنت انتهيت وسط الجمل

وقدرت افوت وانساك

ادينى كل مامسك ورقتك

بتوه فى اوجاع السنين

ويتسن جوايا ميت الم

ويكملو غصب عنى الكلمتين

وتاخدنى اوجاعهم

هناك على شط العيون

لكل اماكن الذكرى

لكل مكان سبناله زمان ضحكة

واقف هناك وحدى اتملى

والملم زكرياتنا المتبعترة

والدموع سحبانى فى جريانها

وانا المسجون فى سطر

ياريتنى ما كتبته

ياريت كان القلم مات

قبل مايخطه

ادينى واقف باوجاعى

لا سبت السطر فاضى

ولا حتى كملته

...............

بركات حمدى

انا اللى

انا اللى

...........

من صخر الجبال حتونى

والدنيا ذادتنى صلابة

عدت عليا هوايل مهزونى

ولا عمرى كشيت من الديابة

...............

القلب ميت والقسوة دى لونى

ولامرة امنت لعيون كدابة

دول ياما حاولو يخدعونى

كنت اعرف ان النظرة قلابه

.................

وان العشق هيكسر غصونى

ويسكن ملامحى الملامة

لحد ما عنيكى   صادونى

وعملو من قلبى  ربابة

..................

خلونى وانا القاسى اغنى

خلونى بقيت مغرم صبابة

زرعوا الدمعة فى عيونى

وضمونى لصفوف  الغلابة

...........................

بركات حمدى

سَلَّمَتِ مِنْ كُلِّ شَرٍّ

وَكَيْفَ جَرئٌتَ يَا سَقَمَا

عَلَىَ هَدرِالانِينَ فِىْ اهْدَابِهِا

امّا تَعْلَمُ بِانَّهَا لِىَ رُوْحَا

انّ انْتَ تُصِيْبُنِى اوْجَاعِهَا

امّا تَعْلَمُ بَانَ كُلِّ اهَةُ مِنْهَا

تَخْرُجُ مِنْ اعْمَاقَىْ قَبْلَ اعْمَاقِهِا

ايّا سَقَمِاً رِفْقَا بِمَنْ فِىْ ضُلُوْعِىَ

رِفْقَا بِمَنْ يَعِيْشُ بِدَقَّاتِهِا

ادْعُوْكَ يَارَب الَوَجَوْدَ

انّ تُدَاوَىْ انِيْنْهَا

وَانْ تَشْفِيَنِىْ بِشِفَائِهِا

...................

بَرَكَات حَمْدِى

لاول مرة

نمتِ.. وانا لم انم

طاب جرحك

ومازال يسكننى الالم

كنتِ انتظرتِ للحظات

...لاذيب جليد الكلم

لادفئ نبضات القلب

اعلمها من جديد

اعودها ان تنتظم

فالحب فيا

كان يرتعش اشتياقا

كان بحاجة لان يلتحم

ويديك كانت قريبة

كلما حاولت ان اعانقها

كانت تبتعد

كلما فتحت لها زراعي

ولت مدبرة ترتعد

نمتِ ..بغير قبلتنا

بغير لمستنا

على غير عادتنا

قبل النوم ان نبتسم

ونجدد القسم

على ان لا نبدد الحب يوما

ومهما المتنا يد الايام

الا نبتعد

نمتِ...ولاول مرة

بغير سلام

ولا قسم

...................

بركات حمدى

قلم لايكتب الا اسمك ...قلمى

*************
فى الاول

لما كنت اكتب كلامى لعيونك

كان القلم من فرحته

فوق السطور يرمح

كان عارف طريقه

ولا مرة شخبط

عمره ماكان يمسح

وكأنك كنت بتمليه

وهوا كان يسمع

ودلوقتى ...عاد تايه

وسط الحروف  بيتعنقل

والحبر جواه بقى ناشف

وكيف يكتب وعيونك مش فى ايامه

منين هيجيب كلام

وحبل وريده اتقطع

كيف يكتب والبعاد يدبح

وهو اللى اتعلم الكتابة عشان خاطرك

مش عشان  ينجح

دا حبك كان هوا العلام

كان هوا شهادتى لما هتخرج

شفتى لما الم البعاد صابه

بقى تايه ملوش مطرح

بقى من الهموم سكران بيتطوح

لا قادر يخط ولا يرسم

ولا عارف من الدموع يفرح

ولو قال كلمة بعد عذاب

بتطلع كلمته تجرح

شفتى... حتى القلم رافض

لتوطينك فى الغياب

وازاى تهجرى ارضك

وتسيبى وطنك لاغراب

انا وطنك وانا حضنك وانا قلمك

لا بعرف استضيف غيرك

ولااتهجى ولا اكتب

غير حروف اسمك

وفى كل سنين تعليمى

ماتعلمت غير نطقك

اسمك دا كان اول اسم

اتعلمته فى كتاب القراءة

واول حرف خطيته

بطبشيرةعلى السبورة

وقلبك دا كان اول رسمة

انا ارسمها فى كتاب

مش قادر على الغياب

البعد خلانى اكلم نفسى

خلانى كرهت العد

وكرهت  ارقام الحساب

......................

بركات

ما بين وجعين

ما بين وجعين القلب مشدود

الحب من ناحية

والكسرة فى عيونى من ناحية

ملهاش حدود

نفسى اضمك

وازقى من حنان حضنك عروقى

بس الايام حيشانى

ووخدانى فى حسبة

مليش دخل فى جزورها

دى ورثانى من الجدود

نفسى اكسر حواجزى

 واوصلك فسعدينى

الحب جوايا بيزعق من الالم

بيقطع فى شرايينى

مش قادر على فراقك

حبك ملى جوفى

لكن خوفى عمى عيونى

وضللنى فدلينى على سكة

مفهاش وجع ممكن توصلنى

كسرنى الهم مية كسرة

وكتفنى زمانى فى زنوبى

وانا اللى كنت بتوضى من طهرك

واصلى وانت امانى

ليه يازمانى دوقتنى مرك

وزرعت شوكك فى احضانى

حبيبتى يااغلى عندى من كنوز الارض

لسة اسمك المعشوق هوا عنوانى

لكنى توهت فى الزحمة

فكونى دليلى فى الضلمة

وودينى لطريق بابك

اغسلى فيا ماضيا واللى ورثته من اوجاع

انت اطهر ركن فى زمانى

بس اللى علمنى معنى الطهر كان عاصى

زرع فيا الكلام مقلوب

وتوهنى فردينى

وابتدى تعليمى من الاول

وسيبك من كل اخطائى

بس وحياة اللى فرد حبك

 جوايا كيف البحر

توصى عنيكى ماتدمع

وانا بقرا حروف اسمك

لان وجعى دا كله فى كوم

ودموعك فى كوم تانى

فكفيها

ولا تجيبى سيرة الفراق تانى

خلينى اغافل الالم

واكمش فى احضانك

خلينى اطوف فى ربوع قلبك

واستغر من ظنونى واوهامى

...................

بركات حمدى

من يسكن من ؟

فين الكلا م ياقلم مش لاقى ولا كلمة

وازاى راح اكتب على الورق

وبين السطور ضلمة

اتساوت الكسرة مع الفتحة

اتساوت الشدة مع الضمة

ولا عاد فيه حرف ينجدنى من الخنقة

ولا سجدة ولا دعوة ودمعة

توقف مراسم روحى وهى طالعة

انا المقتول من غير ذنب ولا تهمة

متاخد ظلم مزقوق مع الزحمة

بتنفس ومفيش نفس طالع

كل الهموم داخلة

قوليلى ليه كدا ؟؟

وايه ذنبى..ولو اذنبت

معقول مفيش رحمة

يا كلمة حب جوايا بتترجى

بتستنجد باخر حبل من بره

متقسميش القلب مية حته

وخلى ضى فى الايام

يوصلنى لشباكك ولو شمعة

رجعى عنيكى فى الايام

رجعى شمسى لمطرحها

دا من غيرها بقيت تايه

بقيت بين الدروب اعمى

انا مضاف على اسمك

ومن غيرك مليش معنى

ومين فى الدنيا دى كامل ؟

قوليلى وانا اكمل الناقصة

بلاش تسيبينى متعلق

وحبل الفراق مربوط من الرقبة

معدتش الدنيا شيلانى

بقت فى عيونى خرم ابرة

بعد حضنك

 معدتش تقبلنى ولا قرشة

بتقلب على ميت جنب فى اللحظة

وتحتى الجمر بيكوينى مع الفرقة

وجو الراس الدق شغال فى ميت ناحية

وصورة قصاد عينى مبتسبنيش كما قبلة

ووجع متشعلق على عيونى

مكسرنى ميتين حتة

قوليلى ايه معنى اكون عايسش

وانا مملكش غير جتة

روحى خلا ص طلعت

وانا موجود ومستنى

يدوبك واقف على الدفنة

.......................

بركات حمدى

معــــــــــقول

اه يازمن.... معقول

اللى قتل عايش

والتار بيتاخد من المقتول

كان مين يقول

الحب يصبح الم

بين الضلوع بيجول

والدق يبقى خناجر

بتقطع الموصول

والصوت مليه الخوف

عايش لكن مشلول

دا حتى يبقى حرام

الطعن فى المطعون

مـعــــــــــقول

اكون بنزف من كل جرح سيول

وتذيدو جراحى جراح

 دا حتى مش مبقول

كل الجروح اتكومت

على قلبى كيف طيور

والكل عاد ينبش حدى ونسور

من بعد ايام الدفا

فى عشة حضن لمانا لبرد الليل

وسقعة بتشتى فى عروقى

وانا بتهز كيف شجرة عريانة ضربها الريح

ومن كتر ما البرد قسمنى

بقيت اتمنى لو متوى فى قلب ضريح

ياعشق ليه دوقتنى ذادك

وعزمتنى فى فرشتك

لما انت مش هتطول

ليه كنت تحضنى

لما انت ناوى تخون

ليه كنت تسقينى العسل

لما المرار هيدوم

يا عشق انا المصدوم

وانا المظلوم على بابك

انا اللى واخد طعنة

 قتلانى من احبابك

وتهمنى انا القاتل

معقول اكون فاعل

وانا المفعول

معــــــــــقول

يكون رصاص الوجع

 غربلنى قدامهم

ويقولو عليه تمثيل

معقول يكون دمى مهوش كافى

وصرخة الم طلعت فى عزم الوجع منى

بالف دلليل

معــــــــــــقول

نصدق اللى  قتل

ونكدب المقتول

................

بركات حمدى

..

ليتك ..كذبتى

كنت تسبينى على عمايا

واضحكى فى وشى

كنتى العبيها غماية

وضللينى واكدبى وغشى

ولو سالتك على اللى حصل

قوليلى .... ماحصلشى

كنتى سبينى اموت مع الايام

كنت تسيبينى اموت على مهلى

دلقتى الحبر جوايا

وشخطبتى على رسمى

بكلمة.. قتلتى الامل فيا

وجهزتى دفنتى ونعشى

ازاى اقدر اخدك فى حضنى

واللى اتكسر نفسى

ازاى ابص فى عيونك

واللى اطرف ننى

اهات الدنيا على وجعى ماهتكفى

انا اول مرة اكره وجودى

واكره كلام نفسى

لاول مرة اكره جذورى

واقول ياريتنى ماكنت من قبلى

اتلوث الدم فى عروقى

واتسمم النبض فى صدرى

جاتنى الضربة على غفلة

صابتنى فى مقتل

من ورا ضهرى

انا اللى اتقتلت فى الليل

ودفنونى فى الضلمة

 وفى الصبح 

 نسيوا مكان دفنى

....................

بركت حمدى

كنت هنا لدقيقة أو أقل .. أرجو أن تكون بخير (هذا ...ما قالت )

كالطيف مرت بعثرت لحظاتى

وتركت فراغا بحجم اشتياقى

اصابتنى بربكة اسرعت دقاتى

توهتنى زلزلتنى ..اضحكتنى ادمعتنى

اشعلت انفاسى

لماذا اقبلت؟

 لماذا ادبرت؟

لماذا اشعلت اركانى؟

وقد كنت بدائت اعتاد فراقها

كنت قد بدائت اعتاد حرمانى

مرت على والقت حجرا فى مياه احزانى

اعادتنى الى اول سطر من سطور لهفتى

ارجعتنى الى اول خطواتى

كيف ابقى بخير وانت لست باحضانى

ما كانت تكفينا الساعات حبيبتى

كيف الان ارتضى بثوانى

ماكنت اشبع من دفئ صوتك

فكيف الان لحرفين ان يقنعانى

مللت من ترويض صبرى

مللت من تقبيل الامانى

والليل مل من مرافقتى

والاشعار ضاقت من صدى اناتى

حياتى كلها ولت صوب الفراغ

ايامى كلها باتت لليالى

ارافق فيها وحدتى واصادق ذكرياتى

وانادى عليكى وارسل قوافلى

محملة بحنينى وكلماتى

وانتظر ...وبعد طول انتظار 

 يعود الى الركب فاضى

الا من وجعا يضاف

الى حمول  اوجاعى

...................

بركات حمدى

يالليل

يالليل

انا عارف انك مش طايقنى

ولا عايز تشفنى

ولاحتى عايز تسمع اسمى

معلش يالليل سامحنى

تقلت عليك اليومين اللى فاتو

كل شوية يالليل يالليل يالليل يالليل

واتهمتك بالخيانة

وانك ضيعت اللى غابو

بس انت كمان يا لليل اعذرنى

ما كله كان على يدك

يعنى انت مكنتش شايفنى

وانا بتقلب فيك لوحدى

وجمر الفراق محاوطنى

وانا غرقان فى همومى

ومن حوليا كل الناس باعتنى

وانا جروحى بتغلى جوا منى

ولا يد غير يدك اتمدت دوتنى

انت يالليل اللى اتحملت تعبى

انت بس اللى كنت قريب

وهونت عليا وخدت بيدى

كمل جميلك واستحملنى

مجتش من شهرين تلاتة

لحد ما عيونهم تزورنى

لحد مايرجعوا تانى  لحضنى

ويطمنوا قلبى

ساعتها بس يالليل

اوعدك مش هنده عليك

ولا هزعج نجومك ..

يمكن كمان متسمعش حسى

لانى هبقى مش فضيلك

هبقى نايم فى حضن قمرى

ولحد ما يجى اليوم يالليل

ماعرفش غيرك

يعنى تقدر تقول

انا قدرك وانت قدرى

..................

بركات حمدى

طريق البعد

طريق البعد وداكى ..... وانا سبنى

اخدت الفرح وياكى ...... ولا سبتى

غير الاحزان فى شباكى...بتندهلى

يمر الليل وانا صاحى

واقول يمكن هترجعلى

يعدى الليل وراه الليل

وانا واقف على نهر الوجع وحدى

وقدامى ظلام مفرود

ولا قمرة ولا نجمة على بختى

ولا شمس النهار بتلوح

ولا خيوط الفجر تلحقنى

كل الساعات وقفت

على فراقك ما بتعدى

وانا بين الفراق والليل

مصلوب ومكتفين يدى

ولا عارف امتى الفراق هيسيب

ولا امتى الليل هيعدى

وادينى ما بين لاتنين بتالم

ومستنى

...............

بركلت حمدى

كلام الودع

وقالتلى

قدامك سكة سفر

وطريق طويل مليان حفر

ولليل وبرق ومطر

قدامك سكة وجع

وقلب من الهم اتكسر

قدامك عيون غربها الحنين

دايرة تدور غلى الاتر

مالك ياولدى

العشق ليه خلاك طرى

ماالقلب كان زى الحجر

والليل يخاف من طلتك

ومن عزم صوتك

كان بيتهز الشجر

ليه اتانيت على صدر الحنان

ورميت مراكبك للخطر

روحت ليه ويا العيون

سكنت نفسك على القمر

مين اللى قالك على الغرام

مين اللى دلك على السهر

مين اللى قالك

ان الحب طعمه سكر

داهى بس اول بلعة ميا حلوة

والباقى مية بحر

قلتلها ياخالة

بالراحة على الوجع

وسيبك من كل

اللى بيقوله الودع

سيبك من الرمل وكلامه

واقرى من قلبى اللى طالع

بصى فى عيونها وقوليلى

لاحسن تكون عملالى سحر

ممكن تكون كتبالى اسمى بالمحبة

على ضهر سمكة فى قعر بحر

بس ازاى يا خالة يكون دا سحر

وهيا ساكنة جوايا روح

وهيا بتجرى فيا نهر

وهى بين ضلوعى اذان وطهر

وهى فى مساجدى صلاة

من مغرب لعصر

ويوم ماغابت عن دروبى

شرخت لى عمر

ومترفعش اذان جوايا

ولا اتصلى فى جوامعى فرض

ياخالة دا عشق

و من ميتى العشق كان له كبير

دا ياما كسر قلوب ..ياما توه بشر

مبنقدرش نقوله لا

طب ازاى هنقوله لا

هوا احنا نقدر نغير قدر!!!

لمى ياخالة الودع

مش هينفعنى كلامك

حتى لو صدق

.............

بركات حمدى

عزف ناى

وانتهى الحلم الجميل

وعادت بي الايام كسابق عهدها

ليل كئيب يبث الهم فى صدرى

وفكر مسافر بالحنين

وبٌعد مسافات يجتث انفاسى

يكاثر فيا الانين

كل اتجاهات الامانى

وجهت صوب الذهول

كل الكلمات التى اعرفها

انكرت ....رفضت تقول

كيف انساكى؟

والذكريات تحيطنى مثل الحقول

وصوت ضحكات ضحكناها معا

مازالت فى اذنيا كقرع الطبول

ودموع عشقناها

عندما اشتد بقلبينا الحنين

وقصائد قرئناها هناك

وقبلات سرقناها هنا

واحضان فاقت طموح العاشقين

والان... الان سكن الصمت اروقتى

وبدائت اسمع من جديد

ذلك الصوت القديم

عزف ناى حزين

...........

بركات حمدى

الى مسافرة

ليه ساعة الحب جراية

وليه ساعة الفراق واقفة

ليه وجودك عدى لحظة

ولحظة فراقك  بمليون ساعة

عمانى الليل من غيرك

وتوهنى وسكنى فى عذابه

سقانى كاس وحدتى

وصب الالم جواه

وزود مراره

قد طول المسافة وجع

قد عدد الخطاوى جروح

بتذكرك

واتذكر الليل اللى لحن ضحكتك

وازاى غرامك

 ياما دوخ الليل وسكرنى

فاكرة لما كنتى فى حضنى

مش قولتلك

خايف من اللحظة اللى جاية

مش قولتلك خايف اغمض عينى

واصحى ملقاش حضنك معايا

ادينى وحدى

بتحسس الضلمة الطويلة

وادور على سكة لخطوتى

متكنش مقفولة

طب ازاى

و كل السكك تاهت مع غيابك

ازاى انا اوصلك

دلينى على بابك

حنان الحب مرضيش يواسينى

والصبر خانى فى وحدتى

مبقاش شارينى

بعد اما رحتى اتنكرو

وكانهم ما بيعرفونى

شدونى على جمر الوجع

وبسيف عذابهم قطعونى

وسابونى روح مش عارفة سكتها

وازاى اسكتها وهى عشقاكى

مدى جسور الود فى غيابنا

خلينى القاكى

خلى مابينى وبينك امل

مربوط فى ايامنا

ورجعى للدنيا ضحكتها

رجعى للسنين ايامها

خلى الشمس اللى غابت

من دروبى ترجع لاحضانها

ما عنيكى شمسى

وقلبى احضانها

................

وحشتينى

............

بركات حمدى

خطوات

...........(1)............

اعاتبك ياليلا مجافي

كيف تفرق احبتي عني

كيف تجرفهم لنسيانى

اما تعلم اني اعيش بنبضهم

وبفارهم الما اعاني

لا تكن يا لليل سدا

وكن صديقا يصافي

بلغهم اني عليلهم

وليس لي غيرهم شافي

اسرق امتعة رحيلهم

وقل لهم اني انا الجاني

قل لهم وحيدا تركته

ومن اوجاع فراقكم

 علنا يقاسي

..........(2)..........

من ضوء عينيكي استمد صلابتي

وفي حضك الدافئ اغسل كل احزاني

فمن اين لي بضياء بعد عينيكي

ومن سيداوي فيا اشجانى

لا تتركيني للهموم تهزنى

وتشدنى صوب الجوى

لا تتعجلي موتي

وابقي بأحضانى

..........(3)..........

يخاصمني الليل اذا غبتي

وترفضني كل اشعاري

ويسكن الصمت اوردتي

وتجف في الاقلام احباري

ويبقي الليل خصما يقاضيني

 ويبقي هوا القاضي

يحاكمني بلا ذنب

ويلقيني في حضن احزانى

ايا هما كفي زحفا

اما يكفيك حرماني

اما يكفيك اني ممزق

من بعد احبابي

.....................

 

بركات حمدى

انَات

(1)

شفتى القلم لما يجف حبره

ونكتب مهما نكتب

مش باين على السطور خطه

انا قلم جف حبره لما غبتى

وماتت كلمتى وتاهت سطورى

والالم جسر اتفرد

من غربتك لحيطان ضلوعى

(2)

ليه ساعة الحب جراية

وساعة الفراق واقفة

ليه وجودك عدى لحظة

ولحظة فراقك مليون ساعة

عمانى الليل من غيرك

وتوهنى وسكنى فى عذابه

سقانى كاس وحدتى

وصب الالم جواه وزود مراره

(3)

متستعجليش على قص الشريط

يد الفراق جيانا هتقصوا

متفتحيش نهرين الم

فى ضلوعى هيصبوا

وكفايا البعاد وعمايله

مخلى عروق القلب بيضجوا

(4)

تصدق يالليل

اول مرة اعرف انك ملكش صاحب

واعرف انك بياع وبتعادى الحبايب

مش كنا فيك امبارح بنضحك ونتسامر

وانت سهران ويانا مبسوط وبتراقب

.ليه النهاردة جتنى وحدك..فين الحبايب

ليه غربت خطوتها ليه غيرت سكتها

ليه طبعك كدا بتباعد مابتقارب

(5)

يالليل ياللى واخدنى اسير

ماتسير من غيرى

وسيبنى لهمى ودموع عينى

يعنى انت مش عارف يالليل

ما القلب اتشق قدامك

 وبين ايديك سال دمى

فى عز ضحكتنا قتلوا الامل

وسابوه مرمى على حجرى

ادى الحبايب ياهوى

 وادى اللى جرى لقلبى

......................
(6)
 متزوديش الوجع وجعين
وكفاية نار فرقة
كفاية لليل جاينى
 ومعاه جبال صامة
كفاياني ايام تقيلة
 شايلالي ميت طامه
متزوديش الالم
 دي الجتة مش خالصة
(7)
قوليلي ليه بتمرريها
ياك هيا ناقصة مرار
ماكفاية المر اللي فيها
 سقيها لليل ونهار
كفاية طعم الوجع
هيبقي وجع ومرار
(8)
لما انتي خدتي الشمس
 سبتيلي ايه فيها
.سيبالي ضلمة وصمت
 طب كيف اعديها
والهمة مكسورة والعزم مش فيا
سيباني اعد الهموم
 واجمعها واحصيها
كنت سيبيلي اماني
 اتشعبط في في رجليها
كنتي سيبيني
واقف علي حيلي
 مش رجلي مكسورة
(9)
خايف اقول موجوع
 يشمتو فيا
اصلي عوازلي كتار
والكسرة صابتني
 المرة دي جات فيا
وانااللي طول عمري
 بشيل جوايا ولا اضجش
اديني ضجيت والهم بان فيا
المرة دي غرقت اوجاع
من راسي لرجليا
انا اللي طول عمري بحرص
 جاني الوجع من حتة منسية
(10)
مش قلنا هنتقابل
 قبل الفراق بساعات
خديتني ليه علي غفلة
 ورحتي في الايام
 وتوهتي في الزحمة
مش كنتي تستني
 تصلي علي الميت
 وتحضري الدفنة
(11)
معرفش ليه النفس واقف
والقلب بطل دق
والنظر فيا مش شايف
 غير الضباب والبرق
وليه مني بقيت خايف
ليه الامل يتشق
كان ايه هيجري مش عارف
لوكنا قسمنا الوجع
 مابينا قسمة حق
(12)
كان عندي امنية
وقلتهالك امبارح
نفسي الزمن يوقف
 يقعد ولايبارح
.ضحك علينا الزمن
 وبلفه راح جارح
اتارينا بقينا اليوم
.والبعد جه كاسح
خد في في وشه املنا
وعشقنا الطارح
...............

بركات حمدى