مفيش ملايكة

كنتى حاجة كبيرة عندى
كنت اقول انك حبيبتى
وكل حاجة
طلعت بيها من الزمان
كنت شايلك جوا قلبى
كنت عايش بيكى حلمى
كنت حاسس بالامان
لو قالولى.....
الشمس بكرة مش هتطلع
كنت اصدق.....
لوقالولى عنيكى ممكن مرة تخدع
كنت بضحك....
كنت اقول ازاى يا ناس
هوا فى ملاك بيجرح
كنت مستنى الجراح من اى حد
الا منك......
كنت مطمن وبحلم
كنت نايم جوا حضنك
كنت سايب قلبى عمرى
كل حاجة ملك امرك
وفجأة......
غرستى فى قلبى سكينة وانا مغمض
صحيت على الدم وجراحى
ابص حواليا وادور
مفيش غيرك
وقلبى فى دمه وبيسال
دا ليه؟ وازاى؟ وايه زنبى؟ وليه يحصل؟
دموعى فى عينى مش نازلة لكن رافضة
وانا واقف لكن تايه من الصدمة
فى عز النور ومش شايف غير الضلمة
ومش عارف اروح على فين
مش لاقى لخطو تى سكة
وصورتك واقفة قدامى
لاول مرة مش زايفة
ودمى شايفه فى ايديكى
وغدرك شايفه فى النظرة
خلاص صدقت دلوقتى
خلاص امنت بالحكمة
مفيش ملايكة بين البشر
ممكن تكون عايشة

بركات حمدى