الى الصبح

 
ياوجه الصبح

 مستغرب ليه انين نبضي
كنت اسال ساعات الليل

 قبل ما تلمني
اسال دقايقها الطويلة

 ومشيها في دمي
متستغربش يا صبح

انا عارف انك امل
وانك شعاع النور

للي انجرح قبلي
بس انا غير كل اللي مرو بسكتك
انا حكاية مولوده بتاريخ قمري
قصة طويلة 

 كان فيها القمر شمسي
كانت النجوم ضحكات 

متشعلقة بكتفي

كانت السما تغازل عيوني بسحرها
وتكتب على وجهها
 بالسحاب اسمي
كانت الدنيا مطوعاني
 والليل مملكتي
انا مهما اقولك ياصبح
 مش هتفهمني
اقولك يا صبح .......
كمل مسيرة شمسك الطالعة من غيري
وسيبني اكمل مسيرة كسرتي وحدي

............

بركات حمدي