قالولي

قالولي ... 

قلبك دا جنسه ايه 

لا مرة شوفناله وجع 

ولا الم الفراق يوم بان عليه 

وكل القلوب حواليك 

بتتقلى على جمرها 

ما بين حنين وفراق 

وانت قلبك قتلته ولا ايه!! 

قلتلــهم 

قلبي زي كل القلوب 

عاشق ومعشوق 

بينام على صدرها وقت الغروب 

ويتالم لما هواها يغيب 

اضحك وانا مهموم 

ولا غيرها يحس بيه 

واللي متعرفوهوش 

ان انا وحبيبتي غير 

ملناش مواسم للالم 

نزعل ..نتغطى بحبنا من البرد 

ندارى مننا فينا 

لو عزم الفراق اشتد 

........................ 

بركات حمدي

فى حضن الليل

.....................

في حض الليل اللي شهد ضحكي

بيشهد نزف اوجاعي

وكل مكان حكيناله وبوحناله بيجلدني

ويسمع قلبي مواله

انــــــــــــــا مشتاق 
لكن شوقي مليه الحزن من بابه

وشئ انكسر فيا ولا يمكنش اصلاحه

انا جوايا مداين من جروح

وبضحك في وش الناس..عادي 

عشان محدش يقول ماله

لكني متقسم 

ما بين حبك وبين بعدك
وبين النار اللي جوايا
 الناراللي ياما خفت هبتها

وجتني بعد ما نسيتها

 بعزم الريح... واحماله

وحبك فيا متمدد مع الشريان

 وانا تعبان من الفرقة

ومش قادر اخطي الالم واوصل

 مش قادراعدى جسر احزانه

عارفة الحنين جوايا شكله ازاي

نزيف مخلوط باوجاعي

ومفيش داعي لاي كلام

لان جرحي مش هيطيب مع الايام

لكنه هيبقى جوايا بيتجدد مع الحيرة

والفين سين ملاحقاني

انا ساكت لكني بالالم مدبوح

فيا اللي فيا وانتي عارفاني

مش بسهولة اني اتكسر

او استسلم لاحزاني

بس المرة دي ما قدرتش

موج الغدر كان عالى

وسفينة صبري

كسر قلعها الريح وسيباني  
انا الغرقان 

انا الغرقان
 اللي طوحه موج الالم على غفلة 

وفى وسط بحر الظلام

ملقيش لنور الامل قشة

تاخد بيد الحلم توصله لسكة

واهو تاه مع الايام

وضيعت خطوته القسمة

فى حضن الليل 

...............
بركات حمدي

بنفس الكلمة

بنفس الكلمة ..بندهلك

واقول عاشقك ياروح قلبي

بنفس الهمسة والاحساس

انا جنبك وبين حضنك 

ايا عمري

وايه العمر من غيرك

هيسوا لو فارقتيني

دانا عايش بانفاسك

وايه غيرها هيحيني

...............

بنفس الكلمة وحروفها اللي جمعتنا

بقولك ياغرام عمري وحشتيني

بقولك لو تهون الدنيا وما فيها

عمرك عندي ماتهموني

انتِ الحكاية وكل ايامي

انتِ الحبيبة 

واجمل من رائت عيني

..........

بحبك ....عايشة جوايا

بملامحك وتفاصيلك

بحبك هي  كلمتك فيا

وعمري ما قلتها لغيرك

....................

بركات حمدي 

    

اضحك

الفين وش

................

يا ام الفين وش

غشني طهرك

افتكرتك ملاك

من بصتي فى وشك

اتاريكي متلونة

والصورة مش صورتك

اتاريكي كـــدابة

والكدب دا طبعك

زرتي القلوب كلها

فاتحاه سبيل فلبك

ايوا انا  اتغشيت

ماهو ياما الكلام بيودي

واخدني حرف اتكتب

وقلت دا نصك 

باندم على الاحساس

باندم على الاوقات

باندم على وصفك

انا بعترف اني اتخدعت

خدعتني حروف صمتك

كدبت عقلي

يوم ما وسوس لي عن طبعك

وصدقت قلبي

اللي اتسم من لدغك

يام الشعور مغشوش

خديتني ليه عندك

دانا قلبي كان ملهوش فى الجراح

 ملتيه بنار طعنك

....................

بركات حمدي

اتهموني فيكِ

..................

اتهموني فيكِ وقالوا

انا اللي هتكت عرض الامنيات على خدودك

وانا الي اتحرشت بالحلم فى عيونك

وانا اللي نمت معاكِ بالعافية

وغميت فيكِ احساسك

وانتِ اللي كنتِ بالهوى كافرة

وقالوا اني مشاغب

نطيت سور الهوى

وسرقت من وردك وتفاحك

ودخلت غرفة نومك الوردي

وانك كنتِ نايمة ومش حاسة

وانك صحيتي من غفوتك فجاة

لاقتيني قدامك

 وماسك بالحنين وردة

اتهموني..... وقالوا

اني فارض نفسي على الاحلام

وانك بتقدمي قربك اتاوة

اتهموني بالارهاب على عيونك

واني احتليت شوارعك 

ومحاصر ميادينك

اتهموني وسبتيهم

وانتِ اللي عارفاني

ان اللي بينا قسمة حقاني

ميعرفوش ان الارض دي ارضي

وان الحضن دا حضني

وان انا اللي زرعت الورد

اللي طارح على خدودك

انا اللي رويت شفايفك من هوى  شوقي

قوليلهم مين اللي نامت ليالي 

ضحكانة على صدري

ومين اللي من فرط الغرام والشوق

 ياما قبلت خدي
قوليلهم ان انا قلبك
وانتِ روح قلبي 

......................

بركات حمدي

انا ليه زعلان ...!!!

....................

هو انا ليه زعلان ومدايق

على الحب !!

مافى داهية

بل وجع قلب ومشاكل

عليكِ .......؟؟

من ميتى عيني بدمع لخاين !!

 يمكن

عشان عشت كل الوقت دابنبض قلب

واني كنت مغمض عيني ليكي

وكنت زارعك جوايا حب

وانتي اللي بتبادليني حجم الحب كدب

يمكن على الشعر اللي قلته

ولا على الضحكة

 اللي حسيتها بكياني

وانها كانت مش ليا وحدي

لا كانت لالف حد

يمكن على المشوار وطوله

ولا على الحلم اللي بنيته

ولا على الليل

اللي عشته معاكي عمر

والله مانا عارف بجد

بس جوا الحلق مر

وفوق عيوني  الف سد

وفي سؤال نفسي اساله

ونفسي حد يقولي رد

هوا انا فعلا مغفل

اني عايش بين الناس بقلب

هو انا ابقى كفرت

لما امنت

انه لسة فيه فى الدنيا حب

؟؟؟؟؟؟؟؟؟؟؟؟

......................

بركات حمدي

مربعات (14)

................................

والله صعبـــة المهانــــــــــــــة 

ملــــــعون ابـــــوها الفـــلوس 

كــــــان اشــرف تنام جـعانـــة 

مـــــــن انــها توطي وتبـــوس 

..................................

عمـــــلــتو فيـها رجــالــــــــة 

وصــوتكــــم العـــالي ســمع

لما انتـــــو مش قــــد القوالة 

كـان ايـه لازمتها مش هتركع

.................................

قالوهالنا اهــلاينا زمــــــــان

مش كــل الرجــــالة دكـــورة 

واعرف لو شفت بـلــد بتتهان 

اكـــيد دي عينها مكـســــورة 

................................

بركات حمدي

تعمدتِ

نعم تعمدتِ
نعم تعمدت ارهاق مشاعري
يوم صلبتي إحساسي

 على جزعِ البعد
يوم تركتيني والليل
يسلخنُي بلا ذبح

يُعاقبني بلا ذنب
يُجردني من كل حنيني اليكِ
ووقفتِ هناك 

تتنتظري صُراخي
تنتظري صوت اللهفة

تنتظري طلب الغُوث
نعم تعمدتِ

إرهاق عيوني وقتل الطيف
وتركتيني اعمى
لا ارصُد الا الزيف
تعمدتِ بعدي ليحرقني الشوق
وأتِ مياهك سعياً 

من قيظ ِالصيف 

تعمدتِ وتعمدت ِ
تعمدتِ إرهاقي
فمات بقلبي الحب 

..................

بركات حمدي