......(1)............
يا زمـان عدال قـــلاب
وايامنـــــــا غير كيانها
جه اليوم نشوف الكلاب
فى السلطة تحكم سيادها
.............(2)...........
ايـامي شبــه بعضــها
مفيهاش ريحة اختلاف
بقي طولها قد عرضها
والــهم ركـــب الكــتاف
..........(3)............
ايام الفراق بتحتني حت
واخـدانـي بـيعة وشروة
رمياني من فوقى لتحت
ولارحـــمت عذابي مرة
...........(4).............
البلح من حزني خرفش
والنخل وقــــــع جريـــده
والقلـب موجوع ماخفش
واقـــله بالراحــه يذيــده
...........(5).............
نــفــس الكـــلام مقطــــوع
مـش قادر يوصف جراحي
والروح بتشهق شهقة طلوع
وليــلي قاتـــل صــباحــي
...........(6).............
خشــمي وجعني من القول
وانــا ارتب واكتب قصيدي
تعبـت من جريي ورا دول
وحلالهم جرحي وقصـ--يدي
..........(7)............
الفــكر فى الراس شواكيش
عمــــالـة تـــزرع وجعــــها
اترجيت قلبي ينسي مرضيش
ولاعـيوني غمضــت جفانــها
............(8).............
حلفتـــــــها ميــت يمــين
مـتفـــــارق يــوم دروبى
قعدتــــهم يـــدويك يمــين
وسبتني للدنيـــا تدوربي
...........(9)............
شفــت القــمر مخــسوف
فــكرنى بلـــحظة كسوفـك
لما اتقابل الشوق والشوف
يوم ماختي قلبي اســـيرك
..........(10)............
انـــاالعلــــيل بـالــهوى
ولا غير عيونها يطببني
دا ريقـها الــشهد والدوى
ولـمسة ايديـــها تطيبني
..........(11)............
حســـنك فريد من نوعه
عمــــره مــــــا يتــــكرر
زى الشـــهد فى طلوعه
حـــلو رباني ومـــــكرر
............(12).............
وجــعك لمــا كــــادك المني
وروحـــى اتــــرجت عليكي
خـــوفى يــــكون الالم مــني
واكون هديتك بدل ما اعليكي
.............................
بركات حمدى
ليست هناك تعليقات:
إرسال تعليق