الدم اللى سال دا
دم مصرى
والوجع فى كل بيت
قبلى وبحرى
والعزا مش فى الكنيسة
دا فى كل مكان فى بلدى
فى المساجد والشوارع
وفى كل قلب مصرى
الالم واحد والوجع واحد
واللى جرحهم قتلنى
فى حد مستني فراقنا
نفسهم يشربوا من دم فرقتنا
بيخططوا لموتها بموتنا
ميعرفوش اللى بينا
ميعرفوش ان التاريخ
يوم ماجمعنا عجنا
ولو انت مش منها
صعب تفرق ما بينا
من زمان بيحاولوا ولسة
لهما تعبوا ولا احنا انكسرنا
هنفضل وهتفضل
ايدينا حامية ترابنا
واللى يفكر يمسها
او يفرق مابينا
هنقطعوا بسنانا
وندوسه بجذمنا
لاننا وفوق كل كل شئ
بنعشق بلدنا
............
بركات حمدى
