************
بقول لكل اللي انكسر
فى الزحمة قوم
لملم بقايا خطوتك
امسك فى رجل الامنيات
عافر معاها بقوتك
ايه يعنى مات لك فيها امل
نام مع الهمة
وزود من الاماني خلفتك
محدش هيحلملك
ولا حد غيرك ممكن يشيل عنك
دا الكل متغطي بهمومه
ومستخبي جوا عشة من الامان.
يعني ممكن شوية هوا
فى لليلة شتاء
يكشفوا ستر الزمان
.ودموع كتيرة تتولد
ووشوش يتوه بيها المكان
ما اهوا قالوها اللى قبلنا
دنيتنا قلابة
والمستغطي بسترها عريان
...................
بركات حمدى
ليست هناك تعليقات:
إرسال تعليق