قلبي

قلبي ملوش ظابط ولا رابط
غير عيونك السودا
ومبيسمعش غير صوتك
وبيغالط ....
لكل كلامي فى الحيرة
يثبتني بكلام معسول
يتوهني فى بحوره الغريقة
قلبي اللي جوايا صبح معووج
مهوش زيي ولا يشبهني
فى التعريف ...
انا من شمس صبغتي بقساوة
انا ابن صيف وخريف
لكن قلبي ربيعي ...
اتعلم على اديكِ ينقي حروف
ساب صنعته واتبنى احساسك
كان بنا بيعلي ويتحدى الظروف
اختار يكون عندك صبي
لسة بيتعلم يدادي الخوف
قلبي صبح خارج على ارادتي
يوم ما خطيتي اسمك على بابه
عمل ثورة ضد طغياني وقساوتي
ومن على عرشي اقصاني
قلبي متحالف مع عنيكي
وحالف بدل اليمين الفين 

ما  يكون ولائه فى الغرام 
الا لعنيكِي

...................... 

بركات حمدي