مش واحدة

**************

هتعمل ايه لو بتحب واحدة

قلبها مصفح

محتاج رصاص وبارود

مش شعر وكلام معسول عشان يفتح

اكلمها عن الحب

تكلمنى عن الثورة والدبابة والمدفع

اقولها وحشتيني

توقف احساسي طبور في معسكر

متقولش انا مش حبيبها

ويدوبك واحد  بس مطوع

ارسملها قلبي وسهم

ترسملي قنبلة ،، بتفرقع

اجيبلها ورد ابيض ميعجبهاش

وتقولي لازم يكون احمر

بتحب منظر الدم  متربيا فى مدبح

ملهاش فى الاغاني

غير تحية العلم

وكل ماتشوفني تقول سمع

نفسي امسك ايديها

نفسي ابوسها،،، احضنها

طب ازاي،،

وعشان بس اشوفها محتاج تصريح

ولو مش مختوم راح يرجع

معيشاني فى رعب وفزع

دى مش واحدة
انا بحب كتيبة فى مدرع

ربنا يستر ومتشوف القصيدة

  والا الدنيا هتولع

..................

مجند
بركات حمدي