وسرحت فى مرة
على حس الوجع اللي مليني
وقلت في نفسي
اه لو اصحى من النوم على غفلة
الاقيني نسيتك
ولا فاكر اسمك ولا شكلك
ولا فاكر سحر عيونك
واشوفك عادي
زيك زي الباقيين
قاعدين واقفين ماشيين
مش فارقين
كنت زماني لا بتوجع
ولا كنتِ فى خيالي مخيلاني
ووحدك كل الغايبين
دا الواحد من كتر ما حبك
مش عارف حتى يمثل دور النسيان
اهو مرة بيضحك بلعاني
وبيكتب بالكدب فى غيرك
واخداه عزة نفسه وبيداري
لكن جواه ،،، بيعاني
لكن جواه ،،، بيعاني
مانا قلبي في الاصل صعيدي
بس اتغرب عن نفسه وناسه وحبك
واتغرب جواكي زيادة
ولا عارف يرجع قلبي
ولا قادر يتحمل وجعك
اهو تايه وخلاص جوايا
معيشني بدقات كدابة
معيشني بدقات كدابة
ومفهمني انه نسيكي
وهو على طول بيدقك
اه لو اعرف اشيله ابن الـ......
واعيش من غيره من غير قلب
كنت ارتحت من وجعه ومن زنه
بس اعمل ايه الامرلابيدي ولا بيده
الوجع مخليه ومخليني فى دوامة
واقول بين نغسي وبيني
ياريتني ماحبيتك ولا شفتك
ولا كان ليا معاكِ حياة
ولا كان ليا معاكِ حياة
وارجع افكر في المشوار
وغصب عني بحن لايامه
مش بقولك دوامة
اولهاكانت عندك
وياريتني لاقيلها نهاية
،،،،،،،،،،،،،،،،،،،،
بركات حمدي
