من وسط كل الحروف
يدوبك حرف اغواني
علمني السهر ...خلاني
أعشق نيات الحزن فى الفرحة
وسحر الدمعة يهواني
انا الشاعر ...
ومملكش في قوافي الشعر
غير اسمك .... واحزاني
وقالوا الدنيا بتنسي
وان القلوب بتتغير مع الفرقة
ودا عادي...
بس انا معرفش فى الحسابات
ولا ليا فى التنجيم ..
انا اعرف مشاعر
عايشة جواني
ومهما قلت انا اتغيرت فى التفكير
بيبقى النبض شئ تاني
انا يمكن تعبت من لفي فى دواير
وكتر اسئلتي فى المجهول
بس مشاعري ملكاني
مهما ادريت منها بسكات
حروف قلبي فضحاني
بتكتبني بطريقة عفوية
وبشكل صبياني ...
ومهما قلت مش عايزك
ومهما قلت انا كرهتك
بتبقى جوا وحشاني
.......................
بركات حمدي
