ساكت
وجوايا الالم محرات
مخلاش ف غيطان
قلبي امل طارح
وانا شايف ليالي الغدر
صبالي كاسات
ووقفالي على بابك
وجوا القلب مية شدة
ف ثواني الخوف
بتسحب مني انفاسك
واقول يمكن اكون واهم
اقول يمكن يكون
احساسي كدبني
وقلبي هوا اللي مش فاهم
وتفضل فيا اوجاعي
تنقي الفرح لو نبت
تغذي دم شرياني
وطول الوقت مش راحم
وجوايا الظنون ملايين
بتتكاتف وتتزاحم
وانا ساكت
وراسم ضحكة كدابة
وخلف الضحكة مية انة
ومشاعر من الالم ماتت
.........................
بركات
