قالولي السهم جالك منين
مـــن بعـيد ولا كــان قريب
قلتلهم رمونــــي به عينين
وانا مولــي وجهـي لمغرب
صبية مليــحة والـوجه زين
والــشعـر مــوجـه بيقلــب
قـــــالتهم يدوبك كلمتيـن
مـا عرفت عصر من مغـرب
..........................
أيــــوا أنـــا بـعـشــق فــلانــة
وشـــوقهــا ملينـي مخلينــي
مش شــايف غيرهــا إنسـانة
أيـــوا أنـــا بنتمــي لـعيـــونها
ولــيــهـــا جــوايـــا مكـــانـــة
وليـه الناس غيـرانة وحسدانا
ليــه مـستـكتــريــن ضحكتنا
**** وبيتمنو فـرقـانا ****
عارفة يافلانة
عارفة عشقك عملي إيه؟
غيرنـي وخلاني مش أنا
سكني في ليـــالي المغرمين
فك من قلبــي الحصــانة
أنا اللي كنت بدلل على الأيام
ولا تعجبه ضحكة
ولا تميله عيون عشقانة
حــبك ملكني وكتف جماحي
وحطنـــي فـــي خــانـة
وبقيت أنـا ملكك
أنا اللي كنت حر طليق
وليا في كل الدروب حانة
بقيـــت فــــي سجنـك
وعشقك وانت سجــــانة
*** بحبك بقولها ***
ومش بخـــاف من حد
ولا بـخـشــى مـلامـــة
متخلي اللي يلوم يلوم
وخلينا إحنا فـــي هوانا
دا اللـي حصلـي
يتحكـــى فــي مواويل
ويتغنــى علــى الربابة
حبــك دوا
ماعرفش وصفـه طبيب
ولا لقيته في اجزخانة
عـــارفة يـــافلانة
عارفة بحبك ليـه
عشـان مفيــش غيــرك ملت قلبـي
مفيش واحدة غيـرك عرفت تعذبنـي
عرفت تخلينــي أحب الحب وجراحه
خلتني أحب شوك الورد قبل ريحانه
خلتني أحب الوجع واستحلى أنـاته
عيشتني الحب في اليوم ميت الف حالة
ساعات أمير وساعات أسير
أوقــات كبيــر وأيـــام طفل فــي حضــانة
حبك دخلني من كل اتجاه
حــاصرنـــي من كل الزوايا
احتلني
سلمتله أرضي وانـــا راضى
سلمتله حكمي وانـا راضى
*** سلمتله الـرايـة ***
هواكِ يــافلانـة مـركب
ووخدانــي فــي بحــر الشــوق
لا هي راسية ولا هي غرقــانة
مرة فــي حضن الريــح هربــانة
ومرة
بتنيمني على هدوئها وطمانة
أنــا عــاشقك بفعــل الشــوق
بفعل
اللي خلق قلبـي على قدك
مقــاسه من مقـاس حضنك
بحبــك يـــا خيلانـة وعجبانة
وسرقــانــي مــن ورا نفسـي وهربــانة
سنيــن الـعمـر بيـن حضنك دي حليـانة
وريقك شهد يشفيني من الآنة
ومن تعبـي ومن روحـي اللي شقيـانة
ضحكة شفايفي انت مصدرها
ودموعى انت موالها..وجريانها
ليـالي الحب واخدانا
على دراعها وضمانة
أم حنونة بتاكلنا من شوقها وشبعانا
بتفــرح لما بتشوفنــا فــي احضـانها
وضحكة شوقنا مليانا
ولمـا بنتخــاصم
بتزعـل لــفرقتنا
وتمسك ايدى مع ايدك
وتتبسم للقيانا
اتكلمي يافلانة
قوليلهم بأن العشق مكتوبنا
وأن اللــي حـصـل لـينــا
مكنش مترتب في أيامنا
وأن العشق سهانـا
واتسرسب لــجوانـا
قوليلهم أن عشقنا
مـش كـلـمــة علــى ورقــة
مـش بيتيـن شـعـر قلناهم
دا وشم محفور في شريانا
ولســـة بيسألـو مــالي
ياكل اللي بتسالو مالي
بـلاش تسـألو تـاني
أنــا عـــاشق فلانة
وفلانــة عاشقة انا
...........................
بركات حمدى
