وانا معاكي

وانا معاكي

غمزلي اليل واتبسم

وقالي ايوا ياعم مين قدك

معاك القمر نايم ما بين حضنك

قلتله ياليل متحسدش على مهلك

 ماانت اللي عارف الحكاية

وكله كان على يدك

متشوف كام ليلة عدت عليا

وانا وحدي ساكن دروب طلك

كام ليلة

 كتبت حروف اسمها فى صدرك

كام ليلة صحيت العصافير

من نومها وانا بنده

كام ليلة ناديتك وامنتك

تبلغها سلامي وتقولها

اني تعبت من سهرك

وكنت تنساني ياليل

وتغيب ايام وشهور

وتاخد معاك نجومك وقمرك

وتسيبلي ظلامك وطول وقتك

تسيبني الون حروفي بعتمتك

واغزل همومي

من خيطان حزنك

دلوقت بس افتكرت تهزني وتضحك

خليك فى حالك ياليل

معاي قمري فى حضني

وانت معاك قمرك

.............

بركات حمدى

عــتبـــــــــــــــــــــــ

بيني وبينك عتب

انتِ رافضة تخطيه

كل اما اقدم عتب

تداري.. وتغالطيه

ياللي شفايفك عنب

والشهد ساكن فيه

ما انت اللي عارفة القلب

وحاسة باللي بيه

طب يبقى ليه البعد

ما القرب اولى ليه

ولا انت غاوية التعب

غاوية بالجراح تمليه

مدي يدك بقرب

خلى الحنان يطويه

وكفايا عليه السهر

و بعد الخطاوي عليه

دا هما صوتك وحضنك

اللى بيهونوها عليه

هتبقي انتِ والايام

والغربة والاحزان

كله بيدبح فيه

عدي وخطى العتب

ومدي يدك ليه

وداوي انين القلب

وجحر الالم سديه

قبل ما يموت الحب

ونعيش حزانى عليه

........................

بركات حمدى

لا تغيبي

حين تغيبى

تفقد كل اللحظات انوثتها

تفقد كل الالوان صبغتها

تتحول كل كيانات الدنيا

من حوالي فراغات

لا تحمل اسما او معنى

حين تغيبي ،،

لا اجد عبيرا فى الورد

لاتسحرني كما كانت رائحة البحر

لايطربني صوت امراءة غنت

او القت شعر

حين تغيبي

يتنهد قلبي

ويثور باحزاني ثورة بحر

تتصحر ايامي

ويموت بحضني الزرع

حتى تغيبي

افقد ذكورتي

وتبقى كل نساء الدنيا

فى عيني مجرد رمز

فانت امرائتي

من ملكت حضني

من حفرت بالشوق

فى قلبي لعينيها وشم

من نقشت باظافرها
فوق مداخل ظهري

خرائط عشق

من فرشتني وسكنتني

ونامت باعماق القلب

................

بركات حمدى

نام يا وجع

نام يا وجع جوايا متئنش
متسمعهاش صوت بكانا
 متدمعش ومتحنش
انخر براحتك يا الم
قطع  شراييني ....انبش
مش احنا اللى نستعطف قلوب مبترقش
مش احنا اللى نشحت غرام
من عيون مبتودش
سمعهم صوت غناك ياقلبي
وقول انك عايش.. ممتش
ولو قالولك سلام سلم
متضعفش ومتكشش
وخلي اللى جواك جواك متتهزش
 لو هيزلنا شوقنا
 نموت ،،،مننزلش
طول عمرنا واقفين فى وش الريح
لا عمري وطيت
وياما عديت فى قلب النار ولا خوفتش
بس المرة دى بعترف اني مقدرتش
وهبقى كداب لو قلت معشقتش
بس كل كسرة وبعدها قومة
واحنا صعايدة
ملناش فى الرقدة ولا النومة
بنمشى بوجعنا بين الناس
وفى وشنا الضحكة مرسومة
و جراحنا جوانا نار بس مدفونة
زى الجمر فى الرملة
....................
بركات حمدى

مربعات (1)

تعبت قلمي  وورقي
لعيونه اكتب حروفي
لا نفع بخوري ولا رقي
ولا بكلمة بـــل ريقي
.......... (2)............
اسمع كلامي ياابو الخال
وقلبك دا شيله وديعة
احسن لك تعيش ببال خال
من عشق اخره وجيعة
.......... (3)........
ياليل يابو توب مفرود
مين اللى اداك مقاس
دا الوجع على القلب مفروض
وانا من ظلامك بقاسى
......... (4)........

قولو للي ناسي يسلم
او حتى يرمش بعينه
قلبي اللى حبه ماسلم
على بعده الله يعينه
.......(5)........
قولولها تفك الحداد
وتداوي وجعي اللي صابني
دا انا شفت ايام شداد
والحزن كلبش ماسابني
.....(6)........
قالولي طبيبك على الباب
قولتلهم قولولو يعاود
لاهينفع دوا ولا طب
انا غير عيونها ما عاوز
.............(7)...............
انا من البلد دي
وعاسق ترابها وطينها
وحالف لاعلم ولادي
حب الشهادة فى سبيلها
.............(  8)............
الظلم لو فدان
فربك مد الحق فدادين
وظلم الليل لودان
بكراها شمس الحق هتدين
............ (  9).............
اوعاها دعوة المظلوم
دا ربك تكفل بفاها
تنام الليل وتقوم
.تلاقي المولي كفاها
................(  10).............
شكيت لطوب الارض
حتى النخل وجريده
لجاني خبر ولارد
والقلب لساه يريده
........................
بركات حمدى

بحرِت فى ميه

شمرت كمي
 وعقدتها نية
وقلت مش هكتبك تاني
مش هزرعك فيا
وشلت فاسى
ورحت اعزق فى ارض الحروف
شوية ورا شوية
اخُط بطال ورا بطال
وافحت قَنا ميه
ابني سدودي
واردم حفرة منسية
وارمي بذورالتوبة قى ترابى
وارويها من صبري
ومن شمسك الحامية
وبعد تعبي وشقايا
طرح الزرع حنية
الزرعة دى شعرك
والتانية دى عنيكي
وضحكت شفايفك فدادين حواليا
وطرح القصايد سنابل
بالعشق مملية
قوليلي كيف احرت سنين الحب جوايا
وازاى اجرف غرامي
واحرق تقاوية
قوليلي كيف اخلعك مني
وجدور هواكي متبتة فيا
ومهما اقول مش هكتبك تاني
مش هزرعك تاني
بتخضرى فى قلبي
ويفضل كلامي
حرت فى المَيه
..............
بركات حمدى



غيرت عنوانها

**************

تركت مدينتها القديمة

غيرت عنوانها

اخذت شعرها ونثرها
وكل خطاويها الجميلة 

وتركت لى طيفها ولياليها الطويلة

هجرت شوارعنا ..حوارينا

تركت ورود الحب زابلة بايدينا

تركت دموعا تملئ العينين حزنا

تركت سوادا يزين مأقينا

تركت فراغا بحجم الكون

احتلته عتمة ليالينا

تركتنى اناطح الهم

 اصارع الحزن

امارس مهنة النسيان

اصادق كئوس الخمر

لعل فيض الكاس ينسينا  

غيرت عنوانها

 فاى طريق اليها سيهدينا

يا كل اماكن لقيانا كيف تنسينا

ونحن من ملئناكي عشقا

نحن من كانت ضحكاتنا فيكي ميادينا

نحن من كانت مواضعنا دليل العاشقين

واليوم افترش بساط الحزن وحدي

وقد نامت شوارعنا
واطفئت الاضواء فينا

لا شئ فى الايام بعد عينيها يرضينا

لا شئ فى الكلمات والالحان عاد يطربنا

فبعد الحب اصبح الحزن من يكتب قوافينا

فيا حضنا شربت من نهر رقته

بعدك ماعادت كل انهار الدنيا تروينا

غيرت عنوان قصتنا

فتاهت خطانا

 واستحال فى المنفى تلاقينا
.......................
بركات حمدى