حدث فى مثل هذا اليوم
ان التاريخ كان على موعد غرام
ما اهو اصل التاريخ
مش بيرضى باي حاجة والسلام
التاريخ لازم تهزه المعجزات
وتكيفه احداث عظام
ومن هنــا بـــدا الكــلام
شهــــد الـــتاريــخ
وقــــف التـــاريـــخ
ضـــرب التــــاريخ
تعــظيم ســــــــــلام
وهو بيتابع ينـــاير
وهو بيشوف الولاد
اللي لاخوفهم بارود
ولا هزتهم جيوش الموت
وهي بتطوف الميدان
وصوتهم المسموع زئير
كسُر عظام النظام
........................
يحدث في هذا اليوم
ان الطموح مشروع
ان ذكرى الدم نار جوا
قلوب الامهات
من غير قصاص
انه لسه فيه مجرمين بره القفص
لسه فيه عبيد
بيصحو فى السِيد اللي مات
لسه برضه مفهموناش
فاكرنا هنرضى بشوية فتات
فاكرينا نسينا او تعبنا او بعدنا
اوذهقنا او دفنا الامنيات
وحياة سنة
مرت بارضك بالف عام
شوفنا فيها البشر الوان
اللي ضحى بدمه ليكي
واللي قدم نور عيونه
واللي سرقك واللي باعك
واللي خان
اننا وحلمك حياه
يا نعيش بصوته
فى حضنك المفرود
يانموت فداه
وانه لو حتى اليوم ماجاش
هتلاقينا فى انتظاره
فى الميدان فى كل عام
.............................
بركات حمدي
